ગઝલ

       હું





જયારે જગત ની આંખ થી ઉતરી જવાનો હું....
ત્યારે સમજજો કે ખરેખર 'હું' થવાનો હું....
પત્થર બની ને આવ્યો છું,દરિયાવ ની વચ્ચે ,
લહેરો ની સાથે અંદર ને બહાર જવાનો હું....
લાલાશ આંખો માં બધી જે છે,સુરા ની છે,
એ હોઠના એક સ્પર્શ માં ખાલી થવાનો હું....
તારા થવાની એ સજા હવે ભોગવવી પડશે,
મારા હતા એવા થી પણ જુદો થવાનો હું....
તને તો કહેશે કે બહુ સારો હતો માણસ,
મને જે કહ્યું હતું,ફક્ત એ જાણવાનો હું....
જયારે બધાયે આપણાથી ખુશ થઇ જશે,
ત્યારે ખુશી નો માર્યો મરી જવાનો હું....
'અલ_મસ્ત'તમને એ ભલે લાગે છે વ્હાલો પણ,
ઉપર જઈ ઈશ્વર ની સાથે બાધવાનો હું....






-ચિંતન લખાણી 'અલ_મસ્ત'
whatsapp-૯૬૮૭૯૧૦૬૫૧

---------------------------------------------------------------------------------

સાવધાન




હું જેમ જેમ થોડો સમજદાર થયો છું...
હું એમ એમ તારો કદરદાન થયો છું...      
ઘોબા પડ્યા છે ભીતર,કોરા ઘડા ની જેમ,
હું જયારે જયારે થોડો દયાવાન થયો છું...
'ના' કહી શકો નહી,એ છે નઠારી ટેવ,
એ ટેવ ને કારણ ઘણોય હેરાન થયો છું...
ખુશ્બુ ભરી છે ચોતરફ તારા કુસુમ ની,
એ ચૂંટી ચૂંટી ગોઠવી ફુલદાન થયો છું...
હું પથારી પાથરી રસ્તા ના છેડે ઊંઘતો,
કોઈને નડ્યા વગર ખાનદાન થયો છું...
આ ઘંટ,ઝાલર ને અઝાન ના રોજ દે'કારા,
તારી જ માફક સાંભળી બેભાન થયો છું...
'અલ_મસ્ત' તમને શું ખબર દુનિયાની રીત ની ?
હું તો બધું ઝીરવ્યા પછી સાવધાન થયો છું....




--------------------------------------------------------------------------------------------------------------------------



અનમોલ મૂડી






કડી બે કડી જો મળે તો લખી લ્યો...
વાતો બે ચાર નીકળે તો લખી લ્યો..
છે અનમોલ મૂડી એ આગમ જગત ની,
વસ્તુ મળે એક પળે તો લખી લ્યો..
જરા આંધળાને જો દેખાડી દેશું,
આંખો એનીય ઝળહળે તો લખી લ્યો..
જુદા છો ને રસ્તા બધે એક મંજિલ,
મન જ્યાં વળે,વળે તો લખી લ્યો..
છો ને ઉભા હાથ જોડી ઈ' આગળ,
નજર જરાક ઢળે તો લખી લ્યો..
'અલ_મસ્ત'અમોને પાગલ કરી દે છે,
તમને ફળે,જો ફળે તો લખી લ્યો...




                                                                                                               -ચિંતન લખાણી  'અલ_મસ્ત'  
-------------------------------------------------------------------------------------------------------------------------




રોઈ લે તને આંખ ઉધાર આપું... 
પછી એવા દ્રશ્ય બેચાર આપું... 

નિષ્ઠુરતા સાવ વ્યાપી હોય તો કે,
કરુણા ય થોડીક તૈયાર આપું... 

સુરજ ને રાતે બહુ લાગે છે  બીક,
આગિયા ઓ લાવ હથીયાર આપું...

ચાંદા ને તારલા ઓ વ્હાલ નથી  કરતા, 
આંખો નો એનેય કૈક પ્યાર આપું...

અંધારા થી આંખો હવે અંજાઈ ગઈ છે,
'અલ_મસ્ત' રૂપેરી સવાર આપું...?


                                                                                                               -ચિંતન લખાણી  'અલ_મસ્ત'  
 chintanlakhani41195@gmail.com                  


-----------------------------------------------------------------------------------------------------------------------

અનાસ્તિક 




                   ઈમારત કોઈ દેવાલય ની બડી નથી ...
                   જ્યાં સુધી એમાં કઈક શ્રદ્ધા પડી નથી ...

                   જો ચડે એકવાર તો ઉતરે નહી કદી ,
                  છે ખરી એવી મદિરા પણ,મને જડી નથી ...

                 ગામ આખું એક ક્ષણ માં તોડી નાખે એ ,
                 પણ જાત ની સામે અહી દુનિયા લડી નથી ...

                 શ્રેષ્ઠતા  હશે તો ઈતિહાસ અમર થશે જ ,
                ક્યાય નહી તો આજ નાલંદા ખડી નથી ...

                  રીત કઈક અલગ છે એની ઈબાદત ની,
                  જે વ્યક્તિ આજીવન કોઈને નડી નથી ...

                આપની સાથે જ આ વ્યવહાર છે ‘અલ_મસ્ત’,
                  બાકી જગત માં કોઈની અમને પડી નથી ...
                                


 


  connect on facebook                                                                 -ચિંતન લખાણી ‘અલ_મસ્ત’

---------------------------------------------------------------------------------

પ્રકાશે જાવ છું 







રાગ જે છે એમનો એ સ્વીકાર્યે જાવ છું...
એ વગાડયે જાય છે,હું બરાડયે જાવ છું...

અમારી લગન નું તમને શું કહું ભલા ?
એ જગાડયે જાય છે,હું લગાડયે જાવ છું...

એમ તો 'અલ_મસ્ત'કાઈ,આ મથે નાં એકલો,
એ લખાવ્યે જાય છે,હું ઉતાર્યે જાવ છું...

જીંદગી ઓછી સુરા ,ને તાણ પણ એવી કરે,
એ વધાર્યે જાય છે,હું ઘટાડયે જાવ છું...

ભાગલા મારા કરી બે,એ વસ્યો છે મધ્યમાં,
ક્યાંથી એ દેખાય છે? એ વિચાર્યે જાવ છું...

આંખ મીંચી બેસતાં, દેખાય છે અંધારપટ,
આગિયૉ એ થાય છે,હું પ્રકાશે જાવ છું...

-##અલ_મસ્ત

અહિં જો મક્તા ને મહત્વ આપવા ગયો હોત તો એ છેલ્લા શેર સાથે લગભગ અન્યાય જ હતો,એટ્લે થોડુંક અટપટું લાગે તો સહન કરજો...


connect on facebook




--------------------------------------------------------------------------------------------------------------------------



મારાંપણું 



તારી વિચારધારા થોડી બદલીને જો..
આખા જગત થી મને જુદો ગણીને જો..
હું જ બોલાવ્યા કરું દરેક વાર સામે થી ?
વાત માં ક્યારેક તુંય આગળ વધીને જો...

એમ કાંઈ બે જણા જુદા થતાં નથી,
અભિમાન ના અંધકાર થી નીકળીને જો...
ફર્યા કરું પાછળ એ મારુ ગજું નથી,
કંઈ ઓર છે મજા તું સાથે ફરીને જો..

તું છે આ જગ માં તો હુંય પણ છું અહીં,
તારાપણા થી દૂર ક્યાંક મને મળીને જો...
બે વાત કરવાથી સમજ માં હું નહીં આવું કદી,
સમજવો જ હોય તો મારી બનીને જો...



-##અલ_મસ્ત



--------------------------------------------------------------------------------------------------------------------------


અશક્ય 

જીવન ગુજારી શકાય છે યાદ માં ખરેખર ?
ખુદ ને વિસારી શકાય છે સાથ માં ખરેખર ?
લાખ કરો ઉપાય તોય ,એ દરદ ના જ મટે,
અભિમાન રોકી શકાય છે દાદ માં ખરેખર ?
પર ન થઇ શકાય તો પ્રતિબિંબ થઇ જાવું,
જાત ઝોંકી શકાય છે વાદ માં ખરેખર ?
લાગે છે જેને ઘા એતો મૌન રહે છે,
વેદના ખોલી શકાય છે ફરિયાદ માં ખરેખર ?
પર્ણ ના ખર્યા નું દુઃખ મૂળ ને પૂછો,
દર્દ તોળી શકાય છે હાટ માં ખરેખર ?
શબ્દ એક 'અલ_મસ્ત' એવી સંહિતા છે,
ચૈતન્ય બોલી શકાય છે વાત માં ખરેખર ?


-ચિંતન લખાણી 'અલ_મસ્ત'




----------------------------------------------------------------------------------------------------------------------------








નયન ના નીર માં છલકી રહ્યો સવાલ લાગે છે..
જીવાડી જે રહ્યો, એ એમનો ખયાલ લાગે છે..
કોઈ આવીને બસ સાહસ કરાવી જાય છે,
નહીં તો બધા એ આશિકો બેહાલ લાગે છે..
લાખો અંધારા બાદ ઉગતી તેજ કિરણો હોય જેમ,
એમ એનો પ્રેમ એક પ્રિયાલ લાગે છે..
ખૂટે છે શબ્દ મારા, પ્રેમની વાતો માં એની,
શબ્દકૉંશે ધરા નો ક્યાંક તો પાયમાલ લાગે છે..
ભળે છે એ સતત મારા માં કાંઈક એવી રીતે,
બનું જો જલ હું તો એ સકલ શેવાલ લાગે છે..
મળે છે પ્રેમ ને નફરત અહીં દુનિયા મહીં તારી,
નક્કી ખુદાઈ માં કોઈ બવાલ લાગે છે..


-##અલ_મસ્ત

No comments:

Post a Comment