પિંજર જતું રહ્યું..

એ આંખ થી ખર્યું,ને સદંતર જતું રહ્યું...
એક દર્દ એવું ક્યાંક અંદર જતું રહ્યું...
શરણાઈઓ ઉલ્લાસની વાગીને રહી ગઇ,
ને આંગણાનું જાનમાં જંતર જતું રહ્યું...
નામ મારુ ક્યાંય પણ ચાલી શક્યું નહિ,
ગુમનામ જીવનમાં બધું જીવતર જતું રહ્યું...
હું મને કોઈ વાત માં રોકી શક્યો નહિ,
એ ગયા, ને એમનું અંતર જતું રહ્યું...
મોત આપે તો તને શાબાશ કહું ખુદા,
જીવન હતું આ મોતથી બદતર,જતું રહ્યું...
ગાંસડી બાંધીને બે ગજ માં મૂકી દીધો,
પંખી ઉડી ગયા પછી પિંજર જતું રહ્યું...
ઈશ્વરની આશા એ હવે બેસી ન રહે 'અલમસ્ત',
એની હતી એ ધરા એ અંબર જતું રહ્યું...

હું

જયારે જગત ની આંખ થી ઉતરી જવાનો હું....
ત્યારેે સમજજો કે ખરેખર 'હું' થવાનો હું....
પત્થર બની ને આવ્યો છું,દરિયાવ ની વચ્ચે ,
લહેરો ની સાથે અંદર ને બહાર જવાનો હું....
લાલાશ આંખો માં બધી જે છે,સુરા ની છે,
એ હોઠના એક સ્પર્શ માં ખાલી થવાનો હું....
તારા થવાની એ સજા હવે ભોગવવી પડશે,
મારા હતા એવા થી પણ જુદો થવાનો હું....
તને તો કહેશે કે બહુ સારો હતો માણસ,
મને જે કહ્યું હતું,ફક્ત એ જાણવાનો હું....
જયારે બધાયે આપણાથી ખુશ થઇ જશે,
ત્યારે ખુશી નો માર્યો મરી જવાનો હું....
'અલ_મસ્ત'તમને એ ભલે લાગે છે વ્હાલો પણ,
ઉપર જઈ ઈશ્વર ની સાથે બાધવાનો હું....






-ચિંતન લખાણી 'અલ_મસ્ત'
whatsapp-૯૬૮૭૯૧૦૬૫૧

અનમોલ મૂડી

કડી બે કડી જો મળે તો લખી લ્યો...
વાતો બે ચાર નીકળે તો લખી લ્યો..
છે અનમોલ મૂડી એ આગમ જગત ની,
વસ્તુ મળે એક પળે તો લખી લ્યો..
જરા આંધળાને જો દેખાડી દેશું,
આંખો એનીય ઝળહળે તો લખી લ્યો..
જુદા છો ને રસ્તા બધે એક મંજિલ,
મન જ્યાં વળે,વળે તો લખી લ્યો..
છો ને ઉભા હાથ જોડી ઈ' આગળ,
નજર જરાક ઢળે તો લખી લ્યો..
'અલ_મસ્ત'અમોને પાગલ કરી દે છે,
તમને ફળે,જો ફળે તો લખી લ્યો...

મીરાં

કોઈ આંગળીએ પાપા પગલી સવાર દોરી લાવ્યું,
રહ્યું અધૂરું સપનું મારી આંખો ને ન ફાવ્યું..

ઊંચા આકાશે એ ઉડતું,મન વગડા નું પંખી,
ઉતરે મારે આંગણ માટે,આખી રાત હું ઝંખી,
રાત વિતાવી વાટ માં એની,તોય ના દ્વારે આવ્યું..

અંધારા થી મૈત્રી એવી,અંજવાળે અટવાતા,
તેજ સૂરજ ના ઘોળી ઘોળી નયન થયા છે રાતાં,
એક રાત ની આશ માં મેંતો આખું દિન વિતાવ્યું..

ખરખર ખરખર ખર્યા કરતા ભીતર ભીતર મોતી,
ને મૃગલા ની પેઠે હું તો ભાગું, બહાર જોતી,
મન પામી જયારે ત્યારે મેં,અંદર સેજ બિછાવ્યું..

નિત માળા જપ ઓચ્છવ કીર્તન ધૂપ ધુમાડો ભારે,
હું મીરા છું એની મુજને ,ભલે એ રાધા ધારે,
એની પ્રાણ પ્રતિષ્ઠા ખાતર મન મંદિર સજાવ્યું..


-##અલ_મસ્ત

આપણે

કાલ્પનિક જગત

ગાંડા ત્રણ પ્રકાર ના હોય શકે...
1.માનસિક ખોડ વાળા...
2.મગજ ફરી ગયેલા...(ડિપ્રેસ્ડ)
3.હ્રદય ના ...(દિલ થી ગાંડા...)
ઉપર ના બે પ્રકાર ના ઉદાહરણ ઘણા મળી શકે છે..રોજિંદા જીવન માં અનુભવીએ જ છીએ પણ,આ ત્રીજો પ્રકાર થોડો અટપટો છે.
એને તમે અનુભવી શકો ,એટલે કે મહેસુસ કરી શકો..સ્પર્શી પણ શકો..જોઈ શકો..બધું જ કરી શકો..પણ ઓળખી ના શકો..એનું માપ ન કાઢી શકો ..જ્યાં સુધી એ જાહેર ના કરે...ને જાહેર કરવું એની મરજી છે.ક્યારેક બસ એક વાક્ય અરે અમુક વાર તો એક શબ્દ કાફી હોય છે એમના માટે...
'અઘરાપણું 'એ એમને ગોડ ગિફ્ટ છે..એ ક્યારેક વાત ની શરૂઆત "are you mad??" થી કરે...
ક્યારેક સામાન્ય વાત ચાલુ હશે અને અચાનક...
"He: tne varsad gme ??
She: ha..bau j...
He : mne pn...
She: hm...
He: hu su kau 6u..gf bni jaa mari....rakhdisu varsad ma...
She: rakhdva mate tari gf..kai pn bole...?
He :sachu kau chhu...majaa aavse...
She: bhle ho.."
એ ક્યારેક સામેવાળા વ્યક્તિ ને પુરા ફ્લેટ કરી દેશે ને છેલ્લે મજાક કરું છું કહેશે...આ વાંચો...
"She:hey..
He : hello..hows u ?
She: f9..free 6e ?
He:what ??
She: r u free ?
He: yes..why ?
She: nothing,i was just thinking to propose u..
He: what ?
She: yup..i love u...
He:what ?
She: yup...."
ઈંગ્લીશ માં આને સેન્સ ઓફ હ્યુમર કહી શકો..ગુજરાતી માં રમુજ વૃત્તિ...મારી ભાષા માં તો આ બધા હૃદય થી ગાંડા છે..
હવે તમે આવા ઘણા "crazyhearted" જોઈ શકશો..
જો કે આમ જોતા પ્રત્યેક વ્યક્તિ થોડા અંશે હ્ર્દય થી ગાંડો છે જ...બસ એ ગાંડપણ બહાર લાવવા ની જરૂર છે..
જો તમે રસ્તા પર ચાલતા ચાલતા મોટા બરાડા પાડી ને ગીતો ગાઈ શકો છો,જો તમે અરીસા સાથે વાત કરી શકો છો,જો તમે આરામ કરવા ને પણ એક કામ તરીકે સ્વીકારો છો..જો તમે રસ્તા ના પત્થર ને લાત મારી ગો......લ એમ બૂમ મારી શકો છો..જો તમે activa નો પીછો કરવામાં માહેર છો...જો તમે વિવિધ સેવાભાવી સંસ્થા ના સદસ્ય બની એમની પાસે થી જ સેવા નો લાભ લઇ શકો છો,જો તમે કોઈ ની આંખ માં આંસુ હોવાની સાથે પણ એને હસાવી શકો છો....
તો વેલકમ ટુ અવર ગ્રુપ..."ક્રેઝી હાર્ટેડ પીપલ્સ"
મને ગર્વ છે કે હું એક ગાંડા હૃદય નો વ્યક્તિ છું..કદાચ તમને પણ હશે...
-#અલ_મસ્ત

વર્ષાપ્રીતી

મોસમ ભીની ઋતુ વરસતી અંતરે સ્પર્શી રહી ,
અરુ પ્રભાતે મૃદુલ સ્વરે કોકિલા ગીત ગાતી ,
કિરણ થોડા વાદળો માં ડોકિયું કાઢી જોતાં ,
ને એ સવારે ક્રમ મુજબ હું હાંફતો ચાલી રહ્યો ,
જોયું એવું દ્રશ્ય ભુપરે  નજર ત્યાં ચોટી ગઈ ,
ગરીબ બાપો ઝુપડું બાંધે આ સમય ગાળવાને ,
નીચે ઉંભી નાની ઢીંગલી  થઇ હજી બસ સમજણી,
એ આંખો માં ભય હતો એનો જેને હું માણી રહ્યો ,
એને વર્ષા વ્હાલી હો તો યે કરે ન કલ્પના એ ,
ખરું ખરું એ ક્યાંક જીવન ક્યાંક મૃત્યુ વેરતું હો ,
રહ્યો વિચારી "ક્યારે એને વર્ષા પર પ્રીતિ થાશે  ?

    
                                -ચિંતન લખાણી  'અલ_મસ્ત ' 

connect on facebook
chintanlakhani41195@gmail.com

આંખ ઉધાર આપું........

રોઈ લે તને આંખ ઉધાર આપું... 
પછી એવા દ્રશ્ય બેચાર આપું... 

નિષ્ઠુરતા સાવ વ્યાપી હોય તો કે,
કરુણા ય થોડીક તૈયાર આપું... 

સુરજ ને રાતે બહુ લાગે છે  બીક,
આગિયા ઓ લાવ હથીયાર આપું...

ચાંદા ને તારલા ઓ વ્હાલ નથી  કરતા, 
આંખો નો એનેય કૈક પ્યાર આપું...

અંધારા થી આંખો હવે અંજાઈ ગઈ છે,
'અલ_મસ્ત' રૂપેરી સવાર આપું...?


                                                                                                               -ચિંતન લખાણી  'અલ_મસ્ત'  
  connect on facebook
 chintanlakhani41195@gmail.com