મુક્તક

એ હૃદય થી નીકળ્યો એ બાદ બસ આયો નથી...
રાખવો એને મગજ મા પણ કદી ફાવ્યો નથી...
જો કાંઈક ટપ્પો પડે તમને તો કહેજો મને,
આમ તૌ હુ કોઈ દી' ,મને જ સમજાયો નથી..


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


દાદ નો વહેવાર થયો છે સાહેબ..
આમ અજાણ્યો કયો છે સાહેબ.. ?
એમને પૂછશો તો એ કહેશે નહીં,
કે આમના છેડે રહ્યો છે સાહેબ..



-ચિંતન લખાણી 'અલ_મસ્ત'

શબ્દ ઘા

એમને ગમે છે મારી મનાવવાની રીત એવી....
માની ગયાં છે તો યે ,માનતા નથી...

xxxxxxxxxxxxxxxxxxxxxxxxxxxxxxxxxxxxxxxx


તારું તો હાસ્ય પણ એક્દમ શિસ્તબદ્ધ હતું,

ને મારુ તો મૌન પણ ગુંજે છે...


xxxxxxxxxxxxxxxxxxxxxxxxxxxxxxxxxxxxxxxx


આ તારી નજર અને વરસાદ ની બુંદ બન્ને લગભગ સરખા...

જેવા મારા પર પડે એટલે ભીંજવી દે... એક બહાર થી,એક ભીતર થી.....


xxxxxxxxxxxxxxxxxxxxxxxxxxxxxxxxxxxxxxxxx


હું બોલીને બધુ સોલ્ટ આઉટ કરી શકુ છું, મને નડે છે તો બસ મેં ન બૉલેલા અને તેં જાતે સમજેલા શબ્દો જ...


xxxxxxxxxxxxxxxxxxxxxxxxxxxxxxxxxxxxxxxxxx


હૃદય એ એકમાત્ર એવું ઘર છે...જેમાં વસનારા ખાલી કરી ને જાય પછી એ ભાંગી પડે છે...



xxxxxxxxxxxxxxxxxxxxxxxxxxxxxxxxxxxxxxxxxxx



રોજ વિચારું છું કે ,એને ભૂલી જાઉં,
ને રોજ એ વાત ભૂલી જાઉં છું હું...


xxxxxxxxxxxxxxxxxxxxxxxxxxxxxxxxxxxxxxxxxxxx


છો જ દિવાળી તમે સાચું કે શું ?
નહિ તો આવો ઝગમગાટ કઈ હોય નહિ...


xxxxxxxxxxxxxxxxxxxxxxxxxxxxxxxxxxxxxxxxxxxxx


જયારે રામ હૈયે આવીને વસે, ત્યારથી રોજ દિવાળી..



xxxxxxxxxxxxxxxxxxxxxxxxxxxxxxxxxxxxxxxxxxxxxx



તર્ક માં મળ્યો નથી, મળશે નહીં કઈ અર્થ,

તર્ક છોડું તો હું એ છું બુદ્ધ ને તમે પણ..

-ચિંતન લખાણી 

આવ જરા તું ઓરી

શ્યામલ રંગ મન ભાયો ,ભાયો ગોકુલ ગામ  કિશોરી ,
આવ જરા તું ઓરી ,ગોરી આવ જરા તું ઓરી,

જમુના જળ માં  સ્નાન કરીને, ભીના વદન ની માથે ,
કોરા નયન, આ લૂછ્યા કરતા એને હાથે હાથે ,
તે  જ સ્વામીની થઈને કીધી મારા હદય ની ચોરી ,

                         આવ જરા તું ઓરી ..........................

ઝાકળ ની આ બુંદો માદક કરે છે ઉપવન મન નું,
આપ-લે ફૂલો ની, છે સૂચન ન્યારા બંધન નું,
ભ્રમર કરી ને ગુંજન ,બાંધે છે સંબંધ ની દોરી ,

                        આવ જરા તું ઓરી ...........................

કુસુમ પરે થી રાગ ખરે છે, હાંસી કરે છે માંહે,
પાણિ  ગ્રહું ને દેહ થરથરે ,મન વારી વારી જાયે,
જાણે છે તું તોરો છું હું ,થઇ જા ને તું મોરી ,

                         આવ જરા તું ઓરી............................




    connect on facebook                                                                          -ચિંતન લખાણી 'અલ_મસ્ત'