બવાલ લાગે છે......

નયન ના નીર માં છલકી રહ્યો સવાલ લાગે છે..

જીવાડી જે રહ્યો, એ એમનો ખયાલ લાગે છે..

કોઈ આવીને બસ સાહસ કરાવી જાય છે,

નહીં તો બધા એ આશિકો બેહાલ લાગે છે..

લાખો અંધારા બાદ ઉગતી તેજ કિરણો હોય જેમ,

એમ એનો પ્રેમ એક પ્રિયાલ લાગે છે..

ખૂટે છે શબ્દ મારા, પ્રેમની વાતો માં એની,

શબ્દકૉંશે ધરા નો ક્યાંક તો પાયમાલ લાગે છે..

ભળે છે એ સતત મારા માં કાંઈક એવી રીતે,

બનું જો જલ હું તો એ સકલ શેવાલ લાગે છે..

મળે છે પ્રેમ ને નફરત અહીં દુનિયા મહીં તારી,

નક્કી ખુદાઈ માં કોઈ બવાલ લાગે છે..

-##અલ_મસ્ત

મીરાં

કોઈ આંગળીએ પાપા પગલી સવાર દોરી લાવ્યું,
રહ્યું અધૂરું સપનું મારી આંખો ને ન ફાવ્યું..

ઊંચા આકાશે એ ઉડતું,મન વગડા નું પંખી,
ઉતરે મારે આંગણ માટે,આખી રાત હું ઝંખી,
રાત વિતાવી વાટ માં એની,તોય ના દ્વારે આવ્યું..

અંધારા થી મૈત્રી એવી,અંજવાળે અટવાતા,
તેજ સૂરજ ના ઘોળી ઘોળી નયન થયા છે રાતાં,
એક રાત ની આશ માં મેંતો આખું દિન વિતાવ્યું..

ખરખર ખરખર ખર્યા કરતા ભીતર ભીતર મોતી,
ને મૃગલા ની પેઠે હું તો ભાગું, બહાર જોતી,
મન પામી જયારે ત્યારે મેં,અંદર સેજ બિછાવ્યું..

નિત માળા જપ ઓચ્છવ કીર્તન ધૂપ ધુમાડો ભારે,
હું મીરા છું એની મુજને ,ભલે એ રાધા ધારે,
એની પ્રાણ પ્રતિષ્ઠા ખાતર મન મંદિર સજાવ્યું..


-##અલ_મસ્ત

કાલ્પનિક જગત

ગાંડા ત્રણ પ્રકાર ના હોય શકે...
1.માનસિક ખોડ વાળા...
2.મગજ ફરી ગયેલા...(ડિપ્રેસ્ડ)
3.હ્રદય ના ...(દિલ થી ગાંડા...)
ઉપર ના બે પ્રકાર ના ઉદાહરણ ઘણા મળી શકે છે..રોજિંદા જીવન માં અનુભવીએ જ છીએ પણ,આ ત્રીજો પ્રકાર થોડો અટપટો છે.
એને તમે અનુભવી શકો ,એટલે કે મહેસુસ કરી શકો..સ્પર્શી પણ શકો..જોઈ શકો..બધું જ કરી શકો..પણ ઓળખી ના શકો..એનું માપ ન કાઢી શકો ..જ્યાં સુધી એ જાહેર ના કરે...ને જાહેર કરવું એની મરજી છે.ક્યારેક બસ એક વાક્ય અરે અમુક વાર તો એક શબ્દ કાફી હોય છે એમના માટે...
'અઘરાપણું 'એ એમને ગોડ ગિફ્ટ છે..એ ક્યારેક વાત ની શરૂઆત "are you mad??" થી કરે...
ક્યારેક સામાન્ય વાત ચાલુ હશે અને અચાનક...
"He: tne varsad gme ??
She: ha..bau j...
He : mne pn...
She: hm...
He: hu su kau 6u..gf bni jaa mari....rakhdisu varsad ma...
She: rakhdva mate tari gf..kai pn bole...?
He :sachu kau chhu...majaa aavse...
She: bhle ho.."
એ ક્યારેક સામેવાળા વ્યક્તિ ને પુરા ફ્લેટ કરી દેશે ને છેલ્લે મજાક કરું છું કહેશે...આ વાંચો...
"She:hey..
He : hello..hows u ?
She: f9..free 6e ?
He:what ??
She: r u free ?
He: yes..why ?
She: nothing,i was just thinking to propose u..
He: what ?
She: yup..i love u...
He:what ?
She: yup...."
ઈંગ્લીશ માં આને સેન્સ ઓફ હ્યુમર કહી શકો..ગુજરાતી માં રમુજ વૃત્તિ...મારી ભાષા માં તો આ બધા હૃદય થી ગાંડા છે..
હવે તમે આવા ઘણા "crazyhearted" જોઈ શકશો..
જો કે આમ જોતા પ્રત્યેક વ્યક્તિ થોડા અંશે હ્ર્દય થી ગાંડો છે જ...બસ એ ગાંડપણ બહાર લાવવા ની જરૂર છે..
જો તમે રસ્તા પર ચાલતા ચાલતા મોટા બરાડા પાડી ને ગીતો ગાઈ શકો છો,જો તમે અરીસા સાથે વાત કરી શકો છો,જો તમે આરામ કરવા ને પણ એક કામ તરીકે સ્વીકારો છો..જો તમે રસ્તા ના પત્થર ને લાત મારી ગો......લ એમ બૂમ મારી શકો છો..જો તમે activa નો પીછો કરવામાં માહેર છો...જો તમે વિવિધ સેવાભાવી સંસ્થા ના સદસ્ય બની એમની પાસે થી જ સેવા નો લાભ લઇ શકો છો,જો તમે કોઈ ની આંખ માં આંસુ હોવાની સાથે પણ એને હસાવી શકો છો....
તો વેલકમ ટુ અવર ગ્રુપ..."ક્રેઝી હાર્ટેડ પીપલ્સ"
મને ગર્વ છે કે હું એક ગાંડા હૃદય નો વ્યક્તિ છું..કદાચ તમને પણ હશે...
-#અલ_મસ્ત

આવ જરા તું ઓરી

શ્યામલ રંગ મન ભાયો ,ભાયો ગોકુલ ગામ  કિશોરી ,
આવ જરા તું ઓરી ,ગોરી આવ જરા તું ઓરી,

જમુના જળ માં  સ્નાન કરીને, ભીના વદન ની માથે ,
કોરા નયન, આ લૂછ્યા કરતા એને હાથે હાથે ,
તે  જ સ્વામીની થઈને કીધી મારા હદય ની ચોરી ,

                         આવ જરા તું ઓરી ..........................

ઝાકળ ની આ બુંદો માદક કરે છે ઉપવન મન નું,
આપ-લે ફૂલો ની, છે સૂચન ન્યારા બંધન નું,
ભ્રમર કરી ને ગુંજન ,બાંધે છે સંબંધ ની દોરી ,

                        આવ જરા તું ઓરી ...........................

કુસુમ પરે થી રાગ ખરે છે, હાંસી કરે છે માંહે,
પાણિ  ગ્રહું ને દેહ થરથરે ,મન વારી વારી જાયે,
જાણે છે તું તોરો છું હું ,થઇ જા ને તું મોરી ,

                         આવ જરા તું ઓરી............................




    connect on facebook                                                                          -ચિંતન લખાણી 'અલ_મસ્ત'