ગઢડો

પાદર મોહરયો વડ, ને બેઠો ડોકરડો ,
રખે ભલો આ ગઢ ચણાયો ઠાકરડો ,

આગળ ધોરી, પાછળ ખેતર ગાડે ,
હૈયે હરખે ખેડું ,ફોરાં નાડે નાડે ,
સુરજ હજી  તો રાતી આંખે બેઠો થાતો ,
ને પનિહારી પાણી જતી ઝરતી વાતો ,

મેહુલીયા ની આશ માં ફરતો મોરલીયો ....રખે....

બકરાં બેબે ,બળદ ભાંભરે  ,ઝાંઝર ના ઝણકાર ,
નેણ અણીધર,કેશ ફણીધર ,અજબ રૂપકડી નાર,
પગ કાં થર થર થરકે તારા સાહેલડી ?
મન માં તારા મલકે એ શું વાતલડી ?

સખી મને મન ભાયો ઓલો પાતલડો .......રખે ....

વર્ષાપ્રીતી

મોસમ ભીની ઋતુ વરસતી અંતરે સ્પર્શી રહી ,
અરુ પ્રભાતે મૃદુલ સ્વરે કોકિલા ગીત ગાતી ,
કિરણ થોડા વાદળો માં ડોકિયું કાઢી જોતાં ,
ને એ સવારે ક્રમ મુજબ હું હાંફતો ચાલી રહ્યો ,
જોયું એવું દ્રશ્ય ભુપરે  નજર ત્યાં ચોટી ગઈ ,
ગરીબ બાપો ઝુપડું બાંધે આ સમય ગાળવાને ,
નીચે ઉંભી નાની ઢીંગલી  થઇ હજી બસ સમજણી,
એ આંખો માં ભય હતો એનો જેને હું માણી રહ્યો ,
એને વર્ષા વ્હાલી હો તો યે કરે ન કલ્પના એ ,
ખરું ખરું એ ક્યાંક જીવન ક્યાંક મૃત્યુ વેરતું હો ,
રહ્યો વિચારી "ક્યારે એને વર્ષા પર પ્રીતિ થાશે  ?

    
                                -ચિંતન લખાણી  'અલ_મસ્ત ' 

connect on facebook
chintanlakhani41195@gmail.com