પિંજર જતું રહ્યું..

એ આંખ થી ખર્યું,ને સદંતર જતું રહ્યું...
એક દર્દ એવું ક્યાંક અંદર જતું રહ્યું...
શરણાઈઓ ઉલ્લાસની વાગીને રહી ગઇ,
ને આંગણાનું જાનમાં જંતર જતું રહ્યું...
નામ મારુ ક્યાંય પણ ચાલી શક્યું નહિ,
ગુમનામ જીવનમાં બધું જીવતર જતું રહ્યું...
હું મને કોઈ વાત માં રોકી શક્યો નહિ,
એ ગયા, ને એમનું અંતર જતું રહ્યું...
મોત આપે તો તને શાબાશ કહું ખુદા,
જીવન હતું આ મોતથી બદતર,જતું રહ્યું...
ગાંસડી બાંધીને બે ગજ માં મૂકી દીધો,
પંખી ઉડી ગયા પછી પિંજર જતું રહ્યું...
ઈશ્વરની આશા એ હવે બેસી ન રહે 'અલમસ્ત',
એની હતી એ ધરા એ અંબર જતું રહ્યું...

હું

જયારે જગત ની આંખ થી ઉતરી જવાનો હું....
ત્યારેે સમજજો કે ખરેખર 'હું' થવાનો હું....
પત્થર બની ને આવ્યો છું,દરિયાવ ની વચ્ચે ,
લહેરો ની સાથે અંદર ને બહાર જવાનો હું....
લાલાશ આંખો માં બધી જે છે,સુરા ની છે,
એ હોઠના એક સ્પર્શ માં ખાલી થવાનો હું....
તારા થવાની એ સજા હવે ભોગવવી પડશે,
મારા હતા એવા થી પણ જુદો થવાનો હું....
તને તો કહેશે કે બહુ સારો હતો માણસ,
મને જે કહ્યું હતું,ફક્ત એ જાણવાનો હું....
જયારે બધાયે આપણાથી ખુશ થઇ જશે,
ત્યારે ખુશી નો માર્યો મરી જવાનો હું....
'અલ_મસ્ત'તમને એ ભલે લાગે છે વ્હાલો પણ,
ઉપર જઈ ઈશ્વર ની સાથે બાધવાનો હું....






-ચિંતન લખાણી 'અલ_મસ્ત'
whatsapp-૯૬૮૭૯૧૦૬૫૧

સાવધાન

હું જેમ જેમ થોડો સમજદાર થયો છું...
હું એમ એમ તારો કદરદાન થયો છું...         
ઘોબા પડ્યા છે ભીતર,કોરા ઘડા ની જેમ,
હું જયારે જયારે થોડો દયાવાન થયો છું...
'ના' કહી શકો નહી,એ છે નઠારી ટેવ,
એ ટેવ ને કારણ ઘણોય હેરાન થયો છું...
ખુશ્બુ ભરી છે ચોતરફ તારા કુસુમ ની,
એ ચૂંટી ચૂંટી ગોઠવી ફુલદાન થયો છું...
હું પથારી પાથરી રસ્તા ના છેડે ઊંઘતો,
કોઈને નડ્યા વગર ખાનદાન થયો છું...
આ ઘંટ,ઝાલર ને અઝાન ના રોજ દે'કારા,
તારી જ માફક સાંભળી બેભાન થયો છું...
'અલ_મસ્ત' તમને શું ખબર દુનિયાની રીત ની ?
હું તો બધું ઝીરવ્યા પછી સાવધાન થયો છું....  

ભૂલી જાઉં છું...

જે સ્ફુરે છે એ, હું લખવાનું ભૂલી જઉં છું...
એમ મારું કામ કરવાનું ભૂલી જઉં છું...
થઇ ગયા છે આ ઉમર માં, હાલ એવા પણ,
મંદિર ભણી વળું, ને નમવાનું ભૂલી જઉં છું...
એની કોઈ વાતે હું, સહમત થતો નથી,
પણ રોજ એની સાથે લડવાનું ભૂલી જઉં છું...
ભરતી ની સાથે એતો, કિનારે મૂકી જાય છે,
ને હું કુદીને જ તરવાનું ભૂલી જઉં છું...
હું રોજ વિચારું છું, કે એને ભૂલી જાઉં,
ને રોજ કારણ એ ભૂલવાનું ભૂલી જઉં છું... 
બહુ નડે છે ત્યારે, આ ટેવ એને પણ,
એની ગલી જાઉં, ને મળવાનું ભૂલી જઉં છું...
આવા દરદ નો કોઈ તબીબ ઉપચાર શું કરે ?
રોજ સરનામું દુઃખાવાનું ભૂલી જઉં છું...
પંડિત કહે છે કે, જરૂર નર્ક માં જશે 'અલ_મસ્ત '
પણ શું કરું ? હું રોજ મરવાનું ભૂલી જઉં છું...  

બવાલ લાગે છે......

નયન ના નીર માં છલકી રહ્યો સવાલ લાગે છે..

જીવાડી જે રહ્યો, એ એમનો ખયાલ લાગે છે..

કોઈ આવીને બસ સાહસ કરાવી જાય છે,

નહીં તો બધા એ આશિકો બેહાલ લાગે છે..

લાખો અંધારા બાદ ઉગતી તેજ કિરણો હોય જેમ,

એમ એનો પ્રેમ એક પ્રિયાલ લાગે છે..

ખૂટે છે શબ્દ મારા, પ્રેમની વાતો માં એની,

શબ્દકૉંશે ધરા નો ક્યાંક તો પાયમાલ લાગે છે..

ભળે છે એ સતત મારા માં કાંઈક એવી રીતે,

બનું જો જલ હું તો એ સકલ શેવાલ લાગે છે..

મળે છે પ્રેમ ને નફરત અહીં દુનિયા મહીં તારી,

નક્કી ખુદાઈ માં કોઈ બવાલ લાગે છે..

-##અલ_મસ્ત

આપણે

કાલ્પનિક જગત

ગાંડા ત્રણ પ્રકાર ના હોય શકે...
1.માનસિક ખોડ વાળા...
2.મગજ ફરી ગયેલા...(ડિપ્રેસ્ડ)
3.હ્રદય ના ...(દિલ થી ગાંડા...)
ઉપર ના બે પ્રકાર ના ઉદાહરણ ઘણા મળી શકે છે..રોજિંદા જીવન માં અનુભવીએ જ છીએ પણ,આ ત્રીજો પ્રકાર થોડો અટપટો છે.
એને તમે અનુભવી શકો ,એટલે કે મહેસુસ કરી શકો..સ્પર્શી પણ શકો..જોઈ શકો..બધું જ કરી શકો..પણ ઓળખી ના શકો..એનું માપ ન કાઢી શકો ..જ્યાં સુધી એ જાહેર ના કરે...ને જાહેર કરવું એની મરજી છે.ક્યારેક બસ એક વાક્ય અરે અમુક વાર તો એક શબ્દ કાફી હોય છે એમના માટે...
'અઘરાપણું 'એ એમને ગોડ ગિફ્ટ છે..એ ક્યારેક વાત ની શરૂઆત "are you mad??" થી કરે...
ક્યારેક સામાન્ય વાત ચાલુ હશે અને અચાનક...
"He: tne varsad gme ??
She: ha..bau j...
He : mne pn...
She: hm...
He: hu su kau 6u..gf bni jaa mari....rakhdisu varsad ma...
She: rakhdva mate tari gf..kai pn bole...?
He :sachu kau chhu...majaa aavse...
She: bhle ho.."
એ ક્યારેક સામેવાળા વ્યક્તિ ને પુરા ફ્લેટ કરી દેશે ને છેલ્લે મજાક કરું છું કહેશે...આ વાંચો...
"She:hey..
He : hello..hows u ?
She: f9..free 6e ?
He:what ??
She: r u free ?
He: yes..why ?
She: nothing,i was just thinking to propose u..
He: what ?
She: yup..i love u...
He:what ?
She: yup...."
ઈંગ્લીશ માં આને સેન્સ ઓફ હ્યુમર કહી શકો..ગુજરાતી માં રમુજ વૃત્તિ...મારી ભાષા માં તો આ બધા હૃદય થી ગાંડા છે..
હવે તમે આવા ઘણા "crazyhearted" જોઈ શકશો..
જો કે આમ જોતા પ્રત્યેક વ્યક્તિ થોડા અંશે હ્ર્દય થી ગાંડો છે જ...બસ એ ગાંડપણ બહાર લાવવા ની જરૂર છે..
જો તમે રસ્તા પર ચાલતા ચાલતા મોટા બરાડા પાડી ને ગીતો ગાઈ શકો છો,જો તમે અરીસા સાથે વાત કરી શકો છો,જો તમે આરામ કરવા ને પણ એક કામ તરીકે સ્વીકારો છો..જો તમે રસ્તા ના પત્થર ને લાત મારી ગો......લ એમ બૂમ મારી શકો છો..જો તમે activa નો પીછો કરવામાં માહેર છો...જો તમે વિવિધ સેવાભાવી સંસ્થા ના સદસ્ય બની એમની પાસે થી જ સેવા નો લાભ લઇ શકો છો,જો તમે કોઈ ની આંખ માં આંસુ હોવાની સાથે પણ એને હસાવી શકો છો....
તો વેલકમ ટુ અવર ગ્રુપ..."ક્રેઝી હાર્ટેડ પીપલ્સ"
મને ગર્વ છે કે હું એક ગાંડા હૃદય નો વ્યક્તિ છું..કદાચ તમને પણ હશે...
-#અલ_મસ્ત

રથયાત્રા

                                               
                                                અહિં આત્મને ઇન્દ્રિયો નો સાથ છે...
                                                     ભાવ ને ઇચ્છા નો સંગાથ છે...
                                                   પ્રેમ ને વૈરાગ્ય ઓતપ્રોત છે જયાં,
                                                  શરીર 'પુરી' છે,મન 'જગન્નાથ' છે...

                                                                  -ચિંતન લખાણી

હાઇકુ

"આવે છે કેમ ?
નવરાત્રી છે ડોબા,
એ વરસાદ".
--------------------
ટોળા ની વચ્ચે
એકાંત પળ મળે,
જ્યારે તું મળે.
--------------------
સુગંધ ક્યાંથી ?
મૃગલા શોધે નહીં
બસ નાભિ એ .
--------------------
ભીની પાંપણે,
વળગી પડી મને
એની નજર.
--------------------
આંખ ઊંચકી
ખેતર મધ્યે ,ભાણ
જોયો,ને રોયા.
-------------------
છેલ્લી બુંદ,
પડી ગયાં પછીથી,
પડે બફારો.
------------------
પ્રેમ મોસમ,
કોરા શુષ્ક બેય ને
સ્પર્શે ખરી.
-------------------

-##અલ_મસ્ત

મુક્તક

પથ્થરો ચીરી ને કૂંપળ બહાર આવે છે...
ત્યારે પ્રભુ પર સાચો એતબાર આવે છે...
કોઈ ક્યાં સમજી શક્યું ગીતા-કુરાન ને,
ને જુઓ તો એમા બધાય સાર આવે છે...


xxxxxxxxxxxxxxxxxxxxxxxxxxxxxxxxxxxx



માણસાઈ ની પરખ નુ કાંઇક લાવ્યો છું...
અવનવા રંગો ને સાથે લઇને આવ્યો છું...
માણસો જે હોય એ એક-એક લઇ લેજો, 
બાકી વધ્યા નું કાચિંડા ને કહી ને આવ્યો છું...


xxxxxxxxxxxxxxxxxxxxxxxxxxxxxxxxxxxxxxxx



વાત ને મારી પળેપળ એ વણ્યા કરે...
એકાંત મા મારી ગઝલ ને ગણગણ્યા કરે...
વાત 'અલ_મસ્ત'એ છે કે ચાહે છે અંદર થી,
એ બધાં જે બહાર મને અવગણ્યા કરે...



xxxxxxxxxxxxxxxxxxxxxxxxxxxxxxxxxxxxxxxx


ભાવનાઓ પણ રમત માં લઇ જજો...
ને વિચારો એકમત માં લઇ જજો...
પ્રેમ નો વ્યાપાર માંડ્યો છે અમે,
જેને જોઈએ એ મફત માં લઇ જજો..


xxxxxxxxxxxxxxxxxxxxxxxxxxxxxxxxxxxxxxxx


બંધ મા છંદ મા બાંધો નહીં,હું આકાશ નું પંખી છું...
ઘડીભર સંઘરી ન શકો એ શ્વાસોશ્વાસ નું પંખી છું...
તોડી શકો છો ક્ષણમાં , પણ ચેતજો તમે,
જોડાઇશ નહીં ફરીથી એવું હું વિશ્વાસ નું પંખી છું...


xxxxxxxxxxxxxxxxxxxxxxxxxxxxxxxxxxxxxxxxx


ધરા કેરા મિલન કાજે મુસાફિર થઈ ને આવ્યો છે...
નિભાવવા પ્રિત માટી ની એ ખુશ્બુ લઈ ને આવ્યો છે...
અમીરો માટે આવ્યો છે બની મહેફિલ ઘણી માદક,
ગરીબો જે હતાં બેઘર,ત્યાં કાફીર થઈ ને આવ્યો છે...



-ચિંતન લખાણી 'અલ_મસ્ત'

પ્રકાશે જાવ છું ...

રાગ જે છે એમનો એ સ્વીકાર્યે જાવ છું...
એ વગાડયે જાય છે,હું બરાડયે જાવ છું...

અમારી લગન નું તમને શું કહું ભલા ?
એ જગાડયે જાય છે,હું લગાડયે જાવ છું...

એમ તો 'અલ_મસ્ત'કાઈ,આ મથે નાં એકલો,
એ લખાવ્યે જાય છે,હું ઉતાર્યે જાવ છું...

જીંદગી ઓછી સુરા ,ને તાણ પણ એવી કરે,
એ વધાર્યે જાય છે,હું ઘટાડયે જાવ છું...

ભાગલા મારા કરી બે,એ વસ્યો છે મધ્યમાં,
ક્યાંથી એ દેખાય છે? એ વિચાર્યે જાવ છું...

આંખ મીંચી બેસતાં, દેખાય છે અંધારપટ,
આગિયૉ એ થાય છે,હું પ્રકાશે જાવ છું...

-##અલ_મસ્ત

અહિં જો મક્તા ને મહત્વ આપવા ગયો હોત તો એ છેલ્લા શેર સાથે લગભગ અન્યાય જ હતો,એટ્લે થોડુંક અટપટું લાગે તો સહન કરજો...


connect on facebook

chintanlakhani41195@gmail.com

મળે

કેવું હેં...અચાનક રસ્તા માં જતાં,
સાવ અજાણ્યા જણ ને કોઈ ઓળખિતૂ મળે...
ઠાંસી ઠાંસી ને ભરેલું ભવ નું ભાતૂ,
સાવ અગોચર વન માં જ સંજીતૂ મળે..
અવાવરું ને,ધે ભયંકર, મન ની કેડી નિર્જન નિર્જન,
પણ ઘણુ ઘણુ ત્યાં પરવર ને શોધંતૂ મળે...
કાયા ને કોરી કોરી,આ વય ની ફાટફાટ એ,
મારી ભીતર કાંઇક ઘટે કાંઇક વધતૂ મળે..
ચાલ ને 'અલ_મસ્ત' ધૂળ ધૂળ આ મારગ માથે,
જણ તારું પોતાનુ કો'ક રખડતૂ મળે..

-##અલ_મસ્ત

connect on facebook
chintanlakhani41195@gmail.com

ત્રણ મુક્તક

એક કુહાડી ને તો તારી પાસે રાખી છે ને ભૈ ?
પછી જ આ વનરાઈ વેંડી આખેઆખી છે ને ભૈ ?
ભલે,હશે એ ભાગ માં એનાં,માળૉ કરશે બીજે,
તોડી પાડી ખુશ તો તારા મન નું પાંખી છે ને ભૈ ?


xxxxxxxxxxxxxxxxxxxxxxxxxxxxxxxxxxxxx


ઘણુ બોલાવું ભલે પણ આવશો તો નહીં જ...
કેટલુંય જોઉંને તોયે બોલાવશો તો નહીં જ...
ખોટ મારી તમને સાલી શકે છે પણ,
સામે હશો તો તમે સ્વીકારશો તો નહીં જ..


xxxxxxxxxxxxxxxxxxxxxxxxxxxxxxxxxxxxx


એ કહે છે તું નથી અલમસ્ત ,તો ખોટો દેખાડો ન કર...
હું કહું છું તું ય નથી અલમસ્ત ,ખોટો બખારો ન કર...
પ્રેમ કહે,વૈરાગ્ય કહે,નિષ્ઠુર ગણે તો એય છું,
હું તો છું એ છું જ ,તું મારા વિચારો ન કર....


-ચિંતન લખાણી 'અલ_મસ્ત'

અનાસ્તિક

                   ઈમારત કોઈ દેવાલય ની બડી નથી ...
                   જ્યાં સુધી એમાં કઈક શ્રદ્ધા પડી નથી ...

                   જો ચડે એકવાર તો ઉતરે નહી કદી ,
                  છે ખરી એવી મદિરા પણ,મને જડી નથી ...

                 ગામ આખું એક ક્ષણ માં તોડી નાખે એ ,
                 પણ જાત ની સામે અહી દુનિયા લડી નથી ...

                 શ્રેષ્ઠતા  હશે તો ઈતિહાસ અમર થશે જ ,
                ક્યાય નહી તો આજ નાલંદા ખડી નથી ...

                  રીત કઈક અલગ છે એની ઈબાદત ની,
                  જે વ્યક્તિ આજીવન કોઈને નડી નથી ...

                આપની સાથે જ આ વ્યવહાર છે ‘અલ_મસ્ત’,
                                                                                   બાકી જગત માં કોઈની અમને પડી નથી ...
                                


 


  connect on facebook                                                                 -ચિંતન લખાણી ‘અલ_મસ્ત’

chintanlakhani41195@gmail.com

આંખ ઉધાર આપું........

રોઈ લે તને આંખ ઉધાર આપું... 
પછી એવા દ્રશ્ય બેચાર આપું... 

નિષ્ઠુરતા સાવ વ્યાપી હોય તો કે,
કરુણા ય થોડીક તૈયાર આપું... 

સુરજ ને રાતે બહુ લાગે છે  બીક,
આગિયા ઓ લાવ હથીયાર આપું...

ચાંદા ને તારલા ઓ વ્હાલ નથી  કરતા, 
આંખો નો એનેય કૈક પ્યાર આપું...

અંધારા થી આંખો હવે અંજાઈ ગઈ છે,
'અલ_મસ્ત' રૂપેરી સવાર આપું...?


                                                                                                               -ચિંતન લખાણી  'અલ_મસ્ત'  
  connect on facebook
 chintanlakhani41195@gmail.com