મારાપણું (અહમ)

તારી વિચારધારા થોડી બદલીને જો..
આખા જગત થી મને જુદો ગણીને જો..
હું જ બોલાવ્યા કરું દરેક વાર સામે થી ?
વાત માં ક્યારેક તુંય આગળ વધીને જો...

એમ કાંઈ બે જણા જુદા થતાં નથી,
અભિમાન ના અંધકાર થી નીકળીને જો...
ફર્યા કરું પાછળ એ મારુ ગજું નથી,
કંઈ ઓર છે મજા તું સાથે ફરીને જો..

તું છે આ જગ માં તો હુંય પણ છું અહીં,
તારાપણા થી દૂર ક્યાંક મને મળીને જો...
બે વાત કરવાથી સમજ માં હું નહીં આવું કદી,
સમજવો જ હોય તો મારી બનીને જો...



-##અલ_મસ્ત